How Can We See

As We Feel ............ We Can See

التدوين

أخذنى الحنين لايام ولت ومضت 

منذ فتره و انا اشتاق الى ايام التدوين التى انقطعت منذ ثلاثه سنوات تقريبا

اليوم اخذت فى قراءه تدويناتى السابقه 

استرجعت معها عمرا قد نسيته

ذكريات عذبه

واخرى مريره

اخذت فى قراءه التدوين ولكن ما استمتعت به حقا هو قراءه التعليقات عليها

لحظات سعيده بل أكثر لحظات العمر سعاده

استرجعت معها 

ابتسامات لم ترتسم مثيلتها من يومها قط

اشخاصا عيشنا معا 

دون ان يعرف كل منا الاخر الا من خلال تدوينات و تعليقات

ارتبطنا بكتابات بعضنا البعض 

كنا نبحث كل يوم عن الجديد ف مدونات بعضنا البعض

اضافت لعمرنا عمر الاخرين

وزادت من احداث حياتنا ما كنا نعيشه من احداث حياة المدونين

أثرت أفكارنا 

افسحت مجالا واسعا لتفكيرنا

خلقت مجالا لنتنفس

لنتحاور

 فجرت طاقاتنا

وخلقت شخصياتنا

انقطعت انا

خسرت انا 

املا ان اعود

وابدأ من جديد

تجربة ومرت

دائما ما يوجد بصيص أمل فيما نحب فيمن نحب .............. دائما ما يوجد ما نفعله حتى نفعل ما نحب

أكتر عوامل احباط الانسان أكثرها تحفيزا له عندما تأتى على عكس المتوقع وتسلك سلوكا مختلفا لما كان يتمنى

عطاء بلا مقابل يوازيه ........... غباء لا تلومن الا نفسك عليه

تفسيرك لتصرفات الغير ................. حكم على شخصيتك

لا تطالبن بمكانة ليست لك ولم تفعل شيئا لتبلغها

إلى حب عمري

لو أن لى الاختيار لأخترتك

لو أنى مُسير لارتضيتك

ولو أن لى كلمة هى آخر عمرى لكانت أحبك

ولو أن لى من الأمر شيئا لكان طول الوقت مرافقتك

من أجلك كتبتها

ومن أجلك أعيدها مرة أخرى

تسمحيلى أعشقك ..... ؟

ضحكة عينيك الطيبة
صبرك صمودك قوتك
حبك حنانك رقتك

اسمحيلى أعشقك
وأعدى فوق بحر الأنين
و أمشى على أرضك سنين
ارتوى من نبع قلبك

اسمحيلى أعشقك
و أكون أمير
مالك ممالك قلبك الدافى الأمين

اسمحيلى أعشقك
وأكون معاكى ف سكتك
وأكون سند وأكون معين
وأكون شريك خطوة نجاح
وامسح أى ماضى يكون أليم

اسمحيلى أعشقك
وأكون ف وقت الفرح عيدك

وأكون روح تجرى فى وريدك

واكون ف وقت الحاجه ايدك

وأكون ربيعك
اسمحيلى أعشقك
وأكون أمانك من سهام غدر الزمن
وأكون ضياكي ف عتمة الليل الغميق
وأكون أمل لحظة رحيل

تسمحيلى أعشقك ..... ؟
وتكونى شمسى
وتكون عينيكى هيه الدليل
و تكونى نجمى
وسط الليالى السهرانين

اسمحيلى أعشقك
ما بين ايديكى

راسم طريقى وسكتى

شايف حياتى بتبتدى
ف اسمحيلى أعشقك

حروف اسمك

أربع حروف اسمك نغم
يهزوا القلب
والعين بتلمع
لما ينطقهم لسانى
أو يعدوا خاطر م الخيال

أربع حروف اسمك نغم
يأسروا القلب اللى تاه

من قبل ما يكون اللقا
قلبى اللى كان محتاج حنان
محتاج أمان
يا طوق نجاة

أربع حروف اسمك نغم

أسرح معاهم

و أسهر ليالى شغلانى

امتى اللقا

يا أغلى بسمه بتتنده

سامع ف قلبك صوت غنايا

ويا ترعيشة الأنامل والخجل

لما ينطقهم لسانى

يا أرق نور ضى ف طريق

شايف حروف اسمك أمل

يرسموا الحلم اللى جاى

وايدينا ويا بعض مشبكه

تحلف ما تتفارق ف يوم

احساسى بيك يا حبيبى

خلى الدنيا أحلى

و اللى جاى أحلى وأحلى

طول ما احنا سوا

عيد سعيد

كل عيد يمر علينا واحنا فى خير و سعادة ورضا

كل عيد يمر علينا وفريقنا العزيز بأحسن حال ومع بعض دايما

كل عيد يمر علينا والمدونين بخير

كل عيد يمر علينا واحنا أقرب وأقرب لكل حاجه كويسه وكل اللى نتمناه ويرضى ربنا

عيد سعيد علينا كلنا

Just a Quez

True Or False ?

Just a Point Of View :

***** Feeling Of Other's Trust Make Us Full Of Energy, Want To Do Our Best TO Get Results We Want Without Losing Our Patience With Time

*****One Of Life's Arts Is Facing The Problems , In Practical Life ….. When Facing A Problem, Dealing it & Finding Practical Solutions Is More Important Than Asking Who Cause This Problem

لم يكن الهروب يوما وسيله للعلاج قد يكون مسكن مؤقت لكنه لا يصلح مطلقا علاجا ******

خطوة صحيحة فى الوقت الخاطئ خطوة خاطئه ******

مع مرور الزمن قد تختلف نظرتنا للأشياء و حكمنا على الأمور ******

الحلم الغالى

زى النهارده من سنه
شفنا الهنا
شفنا السعاده كلها
شفنا الأيادى ويا بعض مربطين

الحلم غالى
وبالأمل ويا العمل
الحلم كان

حبة شباب زى القرود
و البنات فشر الأسود
هدوا سدود الرهبة هد
وقفوا وهزوا القلب هز
خلوا العيون بالدموع اغروروت
صحوا الأمل ف قلوب كتير
يبقى حرام لما الأمل فينا يموت
وازاى يموت
جايز نقف
جايز نقع
جايز نتوه
بس الأكيد إنا نكمل من جديد

و ف النهايه
كلمة أخيره
للى هنا و اللى هناك
اللى ما بينا و اللى بعيد عن المنال
اللمـــــــــــه أسمى
نخاف على بعضنا م الافتراق
الحلم واحد
دنيا جديده
دنيا نضيفه تلمنا

اتكتبت ف

11/9

ف ذكرى ضرب البرجين
ههههههههههههههههه

اسمحيلى أعشقك

تسمحيلى أعشقك ..... ؟

ضحكة عينيك الطيبة
صبرك صمودك قوتك
حبك حنانك رقتك

اسمحيلى أعشقك
وأعدى فوق بحر الأنين
و أمشى على أرضك سنين
ارتوى من نبع قلبك

اسمحيلى أعشقك
و أكون أمير
مالك ممالك قلبك الدافى الأمين

اسمحيلى أعشقك
وأكون معاكى ف سكتك
وأكون سند وأكون معين
وأكون شريك خطوة نجاح
وامسح أى ماضى يكون أليم

اسمحيلى أعشقك
وأكون ف وقت الفرح عيدك
وأكون روح تجرى فى وريدك
واكون ف وقت الحاجه ايدك
وأكون ربيعك

اسمحيلى أعشقك
وأكون أمانك من سهام غدر الزمن
وأكون ضياكي ف عتمة الليل الغميق
وأكون أمل لحظة رحيل

تسمحيلى أعشقك ..... ؟
وتكونى شمسى
وتكون عينيكى هيه الدليل
و تكونى نجمى
وسط الليالى السهرانين

اسمحيلى أعشقك
ما بين ايديكى
راسم طريقى وسكتى
شايف حياتى بتبتدى

ف اسمحيلى أعشقك

البعد ....صف تانى

رجعت تانى انور مدونتى اكيد
العب و اطنطط م تانى
وأرغى على قلبكم وأقول اللى عاوزه
حكى حريتشى كرامتشى

صيحات فرحه هيه هيه هيه هيه
شكرن شكرن شكرن
وصيحات استهجان وكلام من نوعيه يادى القرف
امشى اطلع بره ياد

و اللى عايز أنبوبة
يصحى من الغيبوبة
واللى واقف مستنى
معلش غصب عنى
فيه أزمة فى الأنابيب

أكيد الحمد لله على بداية مرحلة جديدة وخطوة كنت أحب أبدها من قبل كده بس ربك لما يأمر و يريد

نقطة أولى

ليه لما تحصل خطوة جديدة فى حياة الواحد مننا يبقى ده معناه ان اللى كان قبل كده بقى درجة تانيه أو صف تانى

عرفنا صاحب جديد يبقى احساس اللى كنا نعرفه بقى صف تانى
بقى عندنا أصحاب كتير يبقى احساس الأهل انهم بقوا صف تانى
اتجوز يبقى احساس الأهل صف تانى
ولما الام تخلف يبقى احساس العيل الاولانى صف تانى

ف رأيى ان الواحد لما يقدر يبدأ خطوة جديدة يبقى قدراته و امكانياته حصلها نوع من التطور و تقدر تستوعب الجديد ده جنب اللى موجود أساسا من غير ما تزحزحه و إلا ساعتها يبقى استبدال باستهبال مش تطور للأحسن

نقطة تانية

أكيد البعد عن الناس اللى بنحبهم و بنعزهم صعب باعتبار أننا شعب رومانسى عاطفى حالم حبتين يجيد الارتباط بالناس اللى بنحبهم بس البعد ده احيانا بيكون اختيار واحيانا بيكون اضطرار بس اللى أكيد انه لخير وحاجه كويسه مش غتاته ورزاله وهبل و استعباط

بشوف ان البعد علشان السبب ده بيكون احسن من البعد بفعل دنيا الملاهى و التلاهى اللى واخدانى و مش قادر أتواصل معاهم وساعتها يبقى البعد اللى برده غصب عنى بقى نوع م النسيان و التنفيض للناس دى و تبتدى تاخد م العلاقه دى لحد ما تنتهى بفعل عوامل التعرية

البعد من ناحية تانية بيبقى اختبار حقيقى للمشاعر و النفوس هيه كانت بفعل التواجد و الوجود ف المحيط ولا بسبب حب حقيقى ف الله

الموضوع ده بدأ معايا من زمان اوى اتولد ف الكويت و أعيش هناك لحد ما حرب الخليج تحصل و انزل اعيش ف مصر و فى الجامعه اقضى 5 سنين معظمهم فى الكليه اللى بعيدة عن بيتى اعرف ناس تانيه جديدة من كل مكان ف مصر ناكل و نشرب وننام و نتعلم و نلعب و نروح و نيجى مع بعض كانت بجد اوقات حلوة ثم ... الرحيل

ودلوقتى الحمد لله بشتغل دنيا جديدة وناس جديدة و أكاد أكون متأكد أنه هيجى وقت و اسألك الرحيل علشان مرحلة جديدة تبتدى

وتبدى مرحلة جديدة و معاها تبتدى تعرف مين اللى كانوا أصحاب بجد ولسه على اتصال و مين اللى خلاص فينيتوا
بنفرح اوى لما تلاقى تليفون فى عيد او مناسبة حلوة او حد يعزمك علشان تحضر مناسبة حلوة و الأجمل انك تقدر تلبى دعوته و يلاقيك عنده وقتها ( حاجه تفشخر صحيح )

بس المهم اننا نوظف كل اللى بيحصل بطريقه ايجابية أحول السلبى فيه لحاجه كويسه
بدل ما أبص عليها بطريقة سلبية وأحول الخير اللى فيه لحاجه زفت

زتونة الموضوع مش فى ايه اللى حصل
زتونة الموضوع فى طريقة تعاملك مع اللى حصل