Wednesday, December 5, 2007

حروف اسمك

أربع حروف اسمك نغم
يهزوا القلب
والعين بتلمع
لما ينطقهم لسانى
أو يعدوا خاطر م الخيال

أربع حروف اسمك نغم
يأسروا القلب اللى تاه
من قبل ما يكون اللقا
قلبى اللى كان محتاج حنان
محتاج أمان
يا طوق نجاة

أربع حروف اسمك نغم
أسرح معاهم
و أسهر ليالى شغلانى
امتى اللقا
يا أغلى بسمه بتتنده
سامع ف قلبك صوت غنايا
ويا ترعيشة الأنامل والخجل
لما ينطقهم لسانى
يا أرق نور ضى ف طريق
شايف حروف اسمك أمل
يرسموا الحلم اللى جاى
وايدينا ويا بعض مشبكه
تحلف ما تتفارق ف يوم

احساسى بيك يا حبيبى
خلى الدنيا أحلى
و اللى جاى أحلى وأحلى
طول ما احنا سوا

22 comments:

ثورة said...

أول كمنت كده مش متعوده
ايه الحلاوة دي
انت ناوي تغير الاتجاه ولا ايه ؟
.
.
.
.
يا أرق نور ضى ف طريق
شايف حروف اسمك أمل
يرسموا الحلم اللى جاى
وايدينا ويا بعض مشبكه
تحلف ما تتفارق ف يوم
.
.
.
أحلى المقاطع
ولوان كل المقاطع حلوه
طول عمرها الشونة مليانه مواهب
وشتظل عامرة بسواعد أبناءها
:)
شتظل أيوه هي شتظل

إلى الأمام دائما

sakayar said...

يا خبر ... كل ده علشاااااني
يا سم
باباي هيقطعك
بحبك يا واد بس مش قادرة أصلي هخطبك أخوك هعهع
يحرق يولع
إيه الرومانسية دي
يعني أبوس الشاشة ولا أحضن الكيبووووورد
موووووووووووووووووه
قلت أعلق عندك من بيتكم هههههه
سلالم يا رومانسي

Halawa said...

يحيى يحيى
أيون اسمي اربع حروف
بس المشكلة لازم حد فينا يغير مسار
هههههههههههههههههههه

ايه الحلاوة دي
مش كنت تقوللي الأول
كل ده ليا ده أنا مجرم قوي
بس بعينك يا كلب
لو شفت ظافري
هههههههههههههههه

بعدين ترعيشة دي بتاعتي
اسرقني بس مش هزعل
اكتب ملكش دعوة

دوس ياملك
ربنا يهديك ويقويك

المقطعين اللي في النص اعلى حاجة

shabfa2re said...

:)

Eman Eltaher said...

ما شاء الله
الشعر جميل جدا

ده انت موهوب على كده
ربنا يديم قلمك

تحياتى

doha said...

الله
روعه بجد
انا اعتقد اسمها بسمة
مش عارف ليه

enoOo said...

الديوانى مش اربع حروف
:D
مممم
ايه يا عم ده
هيا الصحرا طلعتهم عليك ولا ايه؟

3ashe2elro7 said...

ثورة

نعم نعم شتظل شتظل
الاتجاه واحد ومفيش تغير ولا حاجه
هيه بس سخونيه الشمس الحاركه ف الصحراء الكاحله
ههههههههه
شرفتينى

3ashe2elro7 said...

سكايار

يا مظبطنى يا مظبطنى
طيب بتقول ليه انه من عندى
كده الناس هتعرف انى انا اللى قايلك تقول كده
و يعرفوا انى غديتك يومها
فاكر فاكر
انا مش قلت لحد
هههههههههه
تسلم يا عريس

3ashe2elro7 said...

حلاوة

ولا الف عصيده
بس اسمع كلامى انت بس و انا اظبطك
عندى الشقه و العربيه
و لقطه على فكره هتندم عليا بعد كده
ههههههههه

تلامذتك يا بوب بنتعمل منك على طول و بعدين دى حته كده اقتباس
عديها بقى

3ashe2elro7 said...

شاب فقرى

اكيد مبسوط و شرفتنى

3ashe2elro7 said...

ايمان الطاهر

ربنا يحفظك
دى بتبقى كده ارهاصات
يعنى لما الدنيا تشعشع معانا
شرفنى حضورك

3ashe2elro7 said...

doha

لا مش بسمه
ههههههههه
شرفتنى و ياريت تعدى تانى

3ashe2elro7 said...

اينو

خليك كده على نارك
انت فين يا واد
طول عمرك كده مش هتتغير

كائن نورانى said...

يعنى اللى عاوز يقول كل سنة وانتم طيبين يقول فين يعنى

كل سنة وانتم طيبين وحمدلله على السلامة

ومبروووووووك للطاغية

ياريت تطمنا على سعادتك

3ashe2elro7 said...

كائن نورانى

هوه انتوا بتغلبوا ما انتوا بتتصرفوا اهوه

ههههههههه

كل سنه و انتوا طيبين و بخير

الله يسلمك الحمد لله كله تمام و عال العال بس شويه تلاهى ف الشغل خدونى شويتين

BoTaNesToKeeSoo said...

يا سلامووو عليكوووو


كل سنه وانتووو طيبيين


ازيك يا عااشق؟؟؟واخبار الصحرا ايه؟؟؟؟


دعواتك لانى بمتحن

3ashe2elro7 said...

بوتانستوووو

وانت بخير يارب و ف صحه

والعيد الجاى تبقى خلصت امتحانات

كله تمام و فل الفل الحمد لله

الصحرا بخير و بعد الرمل رملايه رملايه ده اللى كان واخدنى بس منكم

ههههههههههه

يارب بالتوفيق ف الامتحانات

عالمى ازرق said...

يا أرق نور ضى ف طريق
شايف حروف اسمك أمل
يرسموا الحلم اللى جاى
وايدينا ويا بعض مشبكه
تحلف ما تتفارق ف يوم

احساسى بيك يا حبيبى
خلى الدنيا أحلى
و اللى جاى أحلى وأحلى
طول ما احنا سوا

عجبنى كتير الجزء ده

كل سنه وانت طيب
عيد سعيد عليك وعلى كل أحبتك
دمت بخير

mamado said...

سمو عليكو يا منطقه

ازيك يا عاشق
ايه يا عم الحوصونات _جمع حوصان_ دى كلها
انت شغال فى البترول و لا فى استبل
ههههه

كل سنه و انا وطيب و سنه سعيده عليا

3ashe2elro7 said...

عالمى أزرق

مرحب بالعوده مرة أخرى

كل سنه و انت بخير

اخجلتم تواضعنا

3ashe2elro7 said...

مامادو

استبل استبل

انت مين اللى قالك الحقيقه المره دى

كل سنه و انت طيب يا بوب

والعيد اللى جاى وسطنا برده غصب عندك

واوع النضافه تنسيك ناسك

انا لو مكانك هانسى

هههههههههه