Thursday, September 20, 2007

الحلم الغالى

زى النهارده من سنه
شفنا الهنا
شفنا السعاده كلها
شفنا الأيادى ويا بعض مربطين

الحلم غالى
وبالأمل ويا العمل
الحلم كان

حبة شباب زى القرود
و البنات فشر الأسود
هدوا سدود الرهبة هد
وقفوا وهزوا القلب هز
خلوا العيون بالدموع اغروروت
صحوا الأمل ف قلوب كتير
يبقى حرام لما الأمل فينا يموت
وازاى يموت
جايز نقف

جايز نقع
جايز نتوه
بس الأكيد إنا نكمل من جديد

و ف النهايه
كلمة أخيره
للى هنا و اللى هناك
اللى ما بينا و اللى بعيد عن المنال
اللمـــــــــــه أسمى
نخاف على بعضنا م الافتراق
الحلم واحد
دنيا جديده
دنيا نضيفه تلمنا


اتكتبت ف
11/9
ف ذكرى ضرب البرجين
ههههههههههههههههه

20 comments:

MestKA said...

اولا التيمبلات ده جميل اوي

ثانيا اخيرا لقيت حد عجباه احداث 11 سبتمبر وشايف انها حاجه كويسه
انا كمان يومها فرحت جدا

عجبني اوي اخر جزء "نخاف على بعضنا م الافتراق الحلم واحد دنيا جديده دنيا نضيفه تلمنا"0
واخيرا كل سنه وانت طيب يا بشموهندس

3ashe2elro7 said...

مستكه

ههههههههههه
انا بقول بس كده اصل اللى مكتوب علشانه البوست حصل يوم 11 / 9 برده نوع من الصدف كده

انا يومها بقى لا فرحت ولا زعلت
فى الحاجات اللى زى دى تعمل اهبل مسمعتش حاجه

تحياتى

HoNdA said...

ياالف نهار ابيض ياالف حمدلله ع السلامه كل سنة وانت بخيييير
والله رغم ان الذكرى دى مئسوية
الا اننا الى مهونها ان احنا دلوقتى رجعنا مع بعض يمكن مش زى الاول بس ع الاقل الشهر ده
ويمكن مش كلنا بس الى موجودين ريحه مننا بردو هههههههه

ثورة said...

كان فيه رسالة على الموبايلات قديمة كانت بتقول باين تيجي على بالي أجري أجيب بصله وأقول من ريحة الغالي
ههههههههه
ده عشان الست الكوتكوته اللى فوقي
نسأله اللطف يا حبيبتشي

معلش يا عاشق نبلطج ف بلوجتك براحتنا طبعا منتش معترض
(يا عثمان اربط الفلاحين ف الشجرة)

جميلة العصيدة
واللمـــــــــــه أسمى

مشاعر حلوة

سلاموز

3ashe2elro7 said...

هوندا

انا فرحت جدا لما عرفت اللى حصل السنه دى لأ اسود اسود اسود صحيح

ههههههههههه

3ashe2elro7 said...

ثورة

بقى التيم ده بصله ماشى ده انتى شكلك هتشوفى م النيم ايام صوده فى الشهر الكريم

اما بخصوص البلطجه فالبلوجه بلوجيتكم كلكم طبعا طبعا

الخيط الرفيع said...
This comment has been removed by the author.
الخيط الرفيع said...

ياااااااااااااانهاااااااااااار ابيض
ايه اللي مكتوب دا
اكيد مش هعرف أعلق من أول مره عشان المفاجأه وكدا
بس اكيد هرجع تاني
بس زي النهاردة من سنه
هتخليني لتاني مره اقدم شكوة
حقوق ادبيه وحاجات من كدا
بس ما علينا هعديها تاني
وعرفه انك بتقول في سرك
ياااااااااااااااساتر ما بتنساش

queen of girls said...

ايه ده
ايه الحاجات دى
أنا أروح يومين المصيف
أرجع الأقى تمبلات جديد وبوست جديد
ماتهزقه على البلوج بتاعى
بقه أنا عامله زى القطط
ماشى حسبنا بعدان
بس حلو أوى بجد الكلام ده
ده كان يوم ولا فى الأحلام
سلاااام يابرنس لحد ما أشوفك

Pictures of muhammed cartoon contest said...
This comment has been removed by a blog administrator.
Anonymous said...

جميل جدا
لو حد
يسمع
لوحد
يعرف
ان
حرام
الأمل
يموت
كدة ؟؟

جميله بو حريد said...

التيملبت جامد
و الكلام جامد جدا

و الاحساس اللى جوا الكلام جامد جدا جدا

كا سنه وانت طيب يا بشمهندس

Eman Eltaher said...

بجد و الله شعر جميل
فيه خفة دم حلوة

بس ايه ذكرى ضرب البرجين ده ؟؟؟؟؟؟؟؟
هههههههههههههه

على فكرة انا راضية عن الشباب و الله
بس انا بلاقى حاجات ف مجتعنا غريبة و مش حلوة فبحب أتكلم عنها بسخرية
أتمنى تقرا الموضوع بتاعى الأخير و على فكرة رغم انه عن الولاد الا ان كلهم تقريبا اعجبوا بالموضوع
هستنى رأيكم بقى

تحياتى

شيماء الجيزى said...

اسمك لفت نظرى قوى
عاشق الروح
وبعدين قولت ادخل
لقيت فعلا بلوج حلو
احلى ما فيه انك زملكاوى
هههههههه
اصلى زملكاويه
لالالا بجد
شعرك حلو بجد

اسمحيلى اعشقك عجبتنى قوى
بجد فيها احساس رائع
ومبروك على الشغل ولونها اكيد متأخرة

هزورك اكيد تانى
كل سنة وانت طيب
تحياتى

3ashe2elro7 said...

الخيط الرفيع

ياسااااااااااااتر ماتنساش

هههههههههه

كل ده بنكتب فى الرد التانى

انا مستنى اقرأه

3ashe2elro7 said...

كوين

مشرفانى دايمن

ولازم كده نعمل فجاه للناس و هيه داخله من باب التغيير و عدم الملل

برنسسك الله دايمن يا كوين

3ashe2elro7 said...

مصطفى السيد سمير

الا الأمل بالله عليك

ده اللى احنا هيعيش بيه و ليه

ههههههههه

شرفتنى يا درش

3ashe2elro7 said...

جميله بوحريد

و انت طيبه يا اعلاميه المستقبل

بس افتكرينا ساعتها بس

اخجلتم تواضعنا بالكلام الجميل ده

3ashe2elro7 said...

ايمان الطاهر

هروح اقرأه علطووول

اول مترو و رايح علطووول

3ashe2elro7 said...

شيماء الجيزى

ولقيت حد زملكاوى تانى

هيه هيه هيه

ههههههههههههه

دى بقت معجزه دلوقتى

شرفتينى اكيد بالزياره و اخجلتم تواضعنا بكلامك عن البوستات اكيد مستنى زيارات تانيه اديكى عرفتى السكه