Friday, December 21, 2007

إلى حب عمري

لو أن لى الاختيار لأخترتك

لو أنى مُسير لارتضيتك

ولو أن لى كلمة هى آخر عمرى لكانت أحبك

ولو أن لى من الأمر شيئا لكان طول الوقت مرافقتك

من أجلك كتبتها

ومن أجلك أعيدها مرة أخرى

تسمحيلى أعشقك ..... ؟
ضحكة عينيك الطيبة
صبرك صمودك قوتك
حبك حنانك رقتك

اسمحيلى أعشقك
وأعدى فوق بحر الأنين
و أمشى على أرضك سنين

ارتوى من نبع قلبك


اسمحيلى أعشقك
و أكون أمير
مالك ممالك قلبك الدافى الأمين


اسمحيلى أعشقك
وأكون معاكى ف سكتك
وأكون سند وأكون معين
وأكون شريك خطوة نجاح
وامسح أى ماضى يكون أليم

اسمحيلى أعشقك
وأكون ف وقت الفرح عيدك
وأكون روح تجرى فى وريدك
واكون ف وقت الحاجه ايدك
وأكون ربيعك
اسمحيلى أعشقك
وأكون أمانك من سهام غدر الزمن
وأكون ضياكي ف عتمة الليل الغميق

وأكون أمل لحظة رحيل

تسمحيلى أعشقك ..... ؟
وتكونى شمسى
وتكون عينيكى هيه الدليل

و تكونى نجمى
وسط الليالى السهرانين


اسمحيلى أعشقك

ما بين ايديكى
راسم طريقى وسكتى
شايف حياتى بتبتدى
ف اسمحيلى أعشقك

5 comments:

HaMbAcAWeY said...
This comment has been removed by the author.
HaMbAcAWeY said...

كل سنه وحضرتك بخير
عيد سعيد علي الجميع ان شاء الله

ثورة said...

غني يا وحيد
والاتوبيس يسيبك ويمشي وتستني الأسبوع اللى بعده
عاااادي
:D
ابقوا اصحوا بدري بلا خيبه بقى
ههههههههههه

حلوه بس ايه الجديد يعني ؟؟
يووو بقى ع الملل
أفت يا ربي زهقنا عايزين تجديد
بطلع لساااااني

يللا أمرنا لله خلينا احنا الكبار
good for luck
;)

الشــاطر ميــــدو said...

والله وحشني أوي يا باش مهندس
رقيقة أوي العاطفة
القصيدة بتنطق صدق ودفء
يلا ربنا يسعدنا كلنا ويقدر لنا الخير
ودعواتك معانا

مش بفهم بس ...... said...

لو أن لى الاختيار لأخترتك

لو أنى مُسير لارتضيتك

ولو أن لى كلمة هى آخر عمرى لكانت أحبك

ولو أن لى من الأمر شيئا لكان طول الوقت مرافقتك


ya salam ya wad ya bisho

wallahy wa5edha mn 2lby