Sunday, April 8, 2007

وجهة نظر

( 1 )
الــغبى
هــو من لا يتعلم من أخطائه

الـــذكى هــو من يتعلم من أخطائه
الأذكى هــو من يتعلم من أخطاء الآخرين

وجهة نظر قرأتها من زمان
**********

( 2 )

حياتنا ما هيه الا مجموعه من العلاقات الانسانيه

بعضها لا تستطيع أن ترفضه و عليك أن تتقبله

و بعضها تختاره بنفسك و تقرره

علاقتنا بأسرتنا ............علاقه انسانيه

علاقتنا بأصدقائنا ..........علاقه انسانيه

علاقتنا بأحبابنا ..............علاقه انسانيه

كلها مجموعه من العلاقات الانسانيه بين طرفين

تعتمد فيها على قدر ما تعطى و ما تبذل من عطاء

على مقدار الايثار

على مقدار ما تمتلكه من حب تستطيع أن تمنحه

لا تطلب من الطرف الثانى أن يمنحك أكثر مما اعطيته أنت

و ان أعطاك الكثير فحاول أن تعطيه مثلما أعطاك

و ان أعطيته أكثر مما أعطاك فلا تحزن

فـــإن الله موجود

*********

( 3 )

من الرقى انك تكون صاحب فكره يسعد بها الناس ولا تكن بينهم لتفرح معهم و لكنك تشعر بمدى سعادتهم

تعلم أن تمنح قبل أن تطلب ..... فعندما تمنح من يستحق ستأخذ أكثر مما تريد

كل ما لا يمس كرامتك صغيره ... فترفع عن الصغائر تعلو فى نظر الناس

أصعب ما قد يخسره الانسان نفسه .. فحافظ عليها

10 comments:

Anonymous said...

بجد موضوع رائع
ولكن انا ارى ان اهم مافي الحياه
هو العطاء بلا مقابل
ان اعطي وانا لست مضطر
ان اعفو وانا قادر على رد الاهانه
ان اخلق الابتسامه وان كنت اموت بداخلي
ان اتاتي على نفسي دون ان اخسر كرامتي باي حال بمعنى ان اعطي بكل مابداخلي من قدره على العطاء
حتى لو شعرت بالتعب فانا لا اشعر سوى بلذه اسعاد من حولي حتى في لو كان الثمن راحتي
ان امنح قبل ان اطلب شي نبيل ومتى منحت من لايستحق فان نفسي هي التي تستحق ان تعرف قدرتها على العطاء حتى لو في مقابل انيني (انما نطعمكم لوجه الله لا نريد منكم جزاء ولا شكور)و
ان افرح ان يسعد الاخرين بفكرتي دون ان اكون معهم شي رائع لكنني حينها ساكون حققت مالاكنت اتخيله فهم حققو لي نجاح اكثر مماكنت اتصور
نجاحي في تحقيق حلمي حتى لولا لم يكون انا من حققه
نجاحي في رسم ابتسامه في اعين من احببت
نجاحي في زرع احلامي بداخل كل من احببت فانا حينها اكون موجود بلا شك
ان اخسر نفسي شي قاسي ولكن الاصعب ان اعجز عن ما كنت اقدمه وبالتالي لن استطيع استعادتها مرة اخرى
ولكن الشي الاصعب هو ان اعيش يقايا انسان انسان بلا روح موجود ولا اكون موجود اعرف ان استطيع الحركه ولكني لا استطيع
بجد موضوع اكتر من رائع
onetruething

sakayar said...

أنا موافق
على كلام ون تروثنج طبعا مش على كلامك
عادي يعني

ثورة said...

إذا خسر الإنسان نفسه ,لا يتسنى له بعد ذلك أن يقول أنه ربح شيئا

الحقيقة خسارة النفس مش مجرد أمر صعب
إنما هي الأمر كله
لو كسبتها كسبت معركة الحياة
ولو خسرتها خسرت المعركة بالكامل

مهما كنت كسبت من أشياء أو أشخاص تانية

أما العطاء والأخذ
لي وجهة نظر فيهم

العطاء طالما قادرة عليه يبقى أعطي
بس فيه فرق بين أن تعطي كل ما تستطيع أو كل ما يجب
مع الأصدقاء والأحباء الطبيعي أن تفعل كل ما تستطيع

عشان كده بالنسبة للأخذ أو عطاء الآخرين ليك
فيه سببين أنتظر العطاء عشانهم
إني أكون محتاجه العطاء
أو لتقييم حب الأشخاص ليا
لأن اللى تحبه تنتظر منه العطاء عن أي حد تاني
وتحاسبه على الفضل كإنه واجب

أما الأخذ كمقابل للعطاء وحساب الأمور بالقلم والمسطرة فده أمر يدل على فقر في المشاعر وفي التفكير

عالمى ازرق said...

على فكره كلنا بنتعامل بالشكل ده الا فى حالات استثنائيه طبعا
اننا بنتعامل جوه العلاقات بناء على رد الفعل
المفروض اننا مسؤلين على نفسنا جوه اى علاقه سواء كنا كويسين او لا بغض النظر عن تصرفات الطرف الاخر

كل ما لا يمس كرامتك صغيره ... فترفع عن الصغائر تعلو فى نظر الناس

عجبتنى الجمله اولا لان كرامه الانسان اهم ما لديه وتانى حاجه لانها تطبيقا للايه القرآنيه
ادفع بالتى هى احسن فأذا الذى بينك وبينه عداوه كأنه ولىّ حميم
تقبل تحياتى

3ashe2elro7 said...

onetruething
ان اخسر نفسي شي قاسي ولكن الاصعب ان اعجز عن ما كنت اقدمه ... ولكن الشي الاصعب هو ان اعيش يقايا انسان انسان بلا روح موجود ولا اكون موجود اعرف ان استطيع الحركه ولكني لا استطيع
تحياتى يا فندم
***************
سكايار
عادى يعنى
****************
huda
أما الأخذ كمقابل للعطاء وحساب الأمور بالقلم والمسطرة فده أمر يدل على فقر في المشاعر وفي التفكير ... اكيد ده صح
تحياتى يا فندم
****************
عالمى أزرق
التعامل ف الحياه خليط من الفعل و رد الفعل نحتاج الى كلاهما فى الحياة
تحياتى يا فندم

الخيط الرفيع said...

بجد الكلام عميق وان كان كل ما سبق من سمات الانسان وعلامات انسانيته
واتفق معك فيه تماما فمن المهم ان يكون الانسان فاعل في العطاء وربنا امرنا بكده حتي لو أساء لينا الناس


واحب اذكر نقطه حسيتها ناقصة في البوسط


تقدير الطرف الاخر في العلاقة الانسانيه لكل الجهد ولبذلك للعطاء
من ابسط حقوقه عليك
ودا مش بيكون ثمن


ناخد مثال
مثلا
اهلينا محديش بيحبنا قدهم
متفقين
واكيد حضرتك شفت اهل طايرين في السما بحب اولادهم

واهل تانية من كتر القسوة بتاعت الولاد شكل العلاقة بينهم اتغيرت

ودا شفناه في اسر كتير

انا وأخواتي ودودي كنا بنتكلم في الموضوع دا من فترة ولقينا نفسنا بنثير نقطة التقدير دي

ولقينا انها من اهم اسباب اتزان العلاقات الانسانية

ودا مش ثمن لعلاقتك بالغير لكن دا من حقوق الناس علينا اننا نكون شخص بيتمر فيه الخير وعنده اعتراف بالجميل


فلو كان العطاء سمه انسانيه مهمة فالاهم ان يكون الانسان بيفهم ويقدر
والنبي قال كدا في احاديت كثيرة

بس شكلي طولت اسفه عرفه حضرتك بتحب التلخيص
سلامو عليكو وربنا معاك

ومبروك علي جوانا

3ashe2elro7 said...

اكيد الاعتراف بالجميل شئ مطلوب و سبب فى الاتزان فى العلاقه الانسانيه اين كانت بس زى ون ترو ثنج قالت انا بدى لانى حابب انى ادى و قادر انى ادى كمان المقابل مش لازم يبقى حساب اللى انا قدمته زى ما ثورة قالت ... كنت حابب كمان اوضح حاجه ان انا منستش ان الطرف التانى مطلوب منه انه يبادل العطاء ده بس على اد ما يقدر انا قلت وان اعطيته اكثر مما اعطاك فلا تحزن معنى ده ان هوه كمان بيقدم و مطلوب منه انه يقدم و لكن على حسب قدرته هوه الشخصيه
************
اما بالنسبه للتطويل فده كان مجرد هزار يعنى انما تقدرى تطولى زى ما تحبى

david santos said...

Thanks for you work, have a good weekend.

Menas said...

اجمل شيء فى الحياة انك تديى ومتنتظرش تاخد
اه فى اوقات بتحتاج انك تاخذ مش لازم زى مابدتى على الاقل ربع ما بتدى
المهم انى فى وقت بتحتاج كده
بس الاحسن انك متنتظرش مقابل
ومرة فى مرة بجد بجد هتشعر بالرضا
ان اخسر نفسي شي قاسي ولكن الاصعب ان
اعجز عن ما كنت اقدمه ... ولكن الشي الاصعب هو ان اعيش يقايا انسان انسان بلا روح موجود ولا اكون موجود اعرف ان استطيع الحركه ولكني لا استطيع

3ashe2elro7 said...

ميناس
الحمد لله الكومنت وصل بالسلامه
اهم حاجه انك تحاول علطول لحد ما تقدر
ممكن تتعب بس على قد ما هتتعب ان شاء الله هتلاقى