Wednesday, July 4, 2007

تعويذه

تعويذه
****
***********
تعودت ان أحيا ف سكون
أن أحيا ف سكوت
أخذت من لغة العيون لغتى
ومن همس الحديث كلامى
أخذت من صفاء النفس ألوانى
ورسمت بأرق الألوان لوحاتى
عزفت بالحب ألحانى
وسطرت منه الأنشوده
سافرت ف البحر سفنى
و أقلت عمرى وسنينى
صارعت الريح شراعاتى
ولا زلت أصارع
أشعر ب حنين للماضى
يأخذنى م الزمن الحاضر
أشعر ب حنين للماضى

يأسرنى بعيدا ف عالم حالم
ف املكينى وأسرينى
كونى انتى الماضى و الحاضر
كونى مصباحى انتى و مرآتى
كونى صمتى و كلامى

كونى لوحاتى

كونى عزفى و ألحانى

كونى دليلى
لايام أحاط بها الغموض

كونى انتى
ف املكينى و أسرينى

31 comments:

sakayar said...

طبعا مش هرقص ولا ازغرد إني أول واحد لإني متعود على كده
لكن عندي سؤاااااال بعد ما أقولك إنها شخبوطة جميلة وفيها حبة كسور بس هنعديها
هيه مين دي يا امووووووووووور
هههههههههه
أقصد البنت اللي في الصورة تبقى مين حضرتك؟؟؟؟
انت شكلك في اعدادي وبتحب واحدة في ابتدائي يا عم الحاج
انطق قول مين البنت اللي في الصورة دي وكاتبلها الكلام ده كله
ومن ورايا؟؟؟ تخونك تخونك؟؟؟
ماشي ماشي

3ashe2elro7 said...

هوه مفيش غيرك يعلق اول واحد دى كده بقه لزمه للبوست
يعنى البوست ينزل و اول تعليق لسكايار و الباقى بيلعب على التعليق التانى زى الزمالك اللى بيلعب على المركز التانى
ههههههههههههههههههه
كسر ايه يا عمنا انت شايفنى بكتب شعر دى تهييسه كده و شخبوطه على قدنا
انما البنت دى تبقى
تبقى
البنت لما
هههههههههههههههه

الخيط الرفيع said...

بص بقي
نظرا لانك مش بتكمن عندي من زمان
انا امتنع عن التصويت والكومنتات في بلوجك

Halawa said...

ازيك يامعلمي

مش ملاحظ اننا بقينا حنينين
بجد بقينا رقاق عن زمان كتير

شكلها باظت ولا ايه؟

مش بتريق بجد

روح نيرف المناضلين
بتاعة زمان راحت
خايف لتكون المرأة هي الحل

مش بتريق بجد حتى معايا

صورة القرعة والجرنان والبطيخة
لا تفارقني

أأأأو عيل نايم ع الاسفلت في اوروبا
كان طالع بعثة وخطيبته اتجوزت
جمعة ابن ام جمعة
علشان عنده ميكروبااااااااظ

هههههههههههههههههههههههه
حأ حأ حأ أنا جدع

3ashe2elro7 said...

عمنا الخيط
يا نهار ابيض و الله غير مقصوده بس بوسطاتكم يتشل الكلام معاها
اعمل ايه
ومش حابب ادخل اقول حلو و كويس من باب اثبات الحضور

3ashe2elro7 said...

حلاوه

الحنيه موجوده من زمان يا معلم بس اللى ياخد باله
و انت مالك مش كنت بتتريق على الحنيه دى
طيب

و الروح موجوده و الحنيه برده موجوده بيطلعوا وقت اللزوم
كله فى اوانه و مكانه و لما ربك يأمر

و بعدين انت عارف
مين اللى يرفعلنا الشبشب و يقولنا جاى منين و رايح فين
تخيل نفسك كده فى الموقف ده
عارف هتقول ايه
l hope

Halawa said...

مش عايز أخش في جدل كالعادة

بس في فرق بين الحنية والشحتفة

والرقة والعبط

والرجولة والمياصة

بس مش أكتر

3ashe2elro7 said...

حلاوه
كلاكيت تانى مره اكشن
ههههههههههه
خيط رفيع
بس مش بيبقى جدا لذيذ
انا عن نفسى ببقى مستمتع بيه و رغم حدته محدش بيقفش و لا ايه

Halawa said...

مش خيوط رفيعة

دي احبال من بتاعة الخيام

كبيرة ومقلبظة كمان

Halawa said...

ساعات بقول نوفر

تناطح الديوك الخايبة

للشغل والتركيز في اللي جاي

أحسن من التلذذ بفزلكة النظريات

والقوانين الأفلاطونية

اللي ممكن تمشي على واحد

متمشيش ع التاني

ابني امبراطوريتك بفلسفتك الخاصة

3ashe2elro7 said...

الامور نسبيه و لا يوجد شئ مطلق
و اختلاف الرأى لا يفسد للود قضيه
راي خطأ يحتمل الصواب و رايك صواب يحتمل الخطأ

Halawa said...

الله يرحمك ياسعد يا زغلول

هه طيب

كائن نورانى said...

الللله

ايه يا بشمهندس حكاية المرايات معاك


هى عقدة ولا ايه؟

ما علينا

جميلة اوى بجد بس الاسم غريب حبتين ومفهمتوش


يلا على العموم نورت كل بلوجتك بكومنتى
واخد بالك

لا تعاملو الناس الوحشين بنفس معاملتهم


سلاموتو

3ashe2elro7 said...

ايه الاحراج ده

انا شكلى بقى وحش اوى

انا لو منى كنت زعلت منى

و لا عقده ولا حاجه بس لو مكنش يبقى جزء كبير من مرايتى مين اللى ممكن يبقى ........؟

بالنسبه للاسم
هوه يشد

هوه معناها وصفه سحريه للبنى ادم بمعنى تانى مفتاحه

نورتنى يا نورانى و ربنا ميحرمنيش من كومنتاتى عندكم

Shreef said...

كونى انتى الماضى و الحاضر
كونى مصباحى انتى و مرآتى
كونى صمتى و كلامى
كونى لوحاتى
كونى عزفى و ألحانى
كونى دليلى


يا سلام عليك جامدة و الله هو ده الحب ولا بلاش ربنا يخليهالك..يلا سلام

one true thing said...

جميله يمكن حلوه جايز
بس الأكيد أنها عاجبتني جدددددددددن
بس أكتر حاجه عاجبتني فيها أنها حقيقه أووووي
بتوصف حياة الكاتب تعود انه يحيا في سكوت لاخر التعويذه
هو انا كان ليا تعليق هو الكاتب رضى عنها لان نهايتها قبل كده
كانت كونى انتى او ارحلى
ارحلى و تغربى
جميل الرضا بس أنا كان عاجبني النهايه الاولى اكتر علشان الكبرياء اللي كان فيها
حيث صور الشاعر احتياجه لها بشي مادي من الممكن ان يرحل ويتركها رغم شدة احتياجه
بغلس عادي في مانع أيا كانت النهايه فهي
تمام تمام
على فكره أنا ردت على سيادتكم عندي

Eman Eltaher said...

ايه ده ما شاء الله عليك
احساسك جميل
كلامك معبر
صحيح هو مش شعر و مش ضرورى يكون شعر عشان يكون حلوبس بجد كلامك احساسه راقى
ربنا يوفقك
و نشوف المدونات الجامدة دى علطول بتكتب حاجات أحلى من اللى قبليها
على فكرة انا ضفت مدونتك و ده طبعا بعد اذنك
ايه مرفوض و لا ايه ؟؟؟؟؟؟؟؟؟

تحياتى ليك

3ashe2elro7 said...

شريف
ربنا يخليك يا نجم ده من ذوقك
مبسوط ان الكلام عجبك
شرفتنى و ابقوا تعالواااااااا زوووورونا

3ashe2elro7 said...

ون ترو ثينج
اخجلتم تواضعنا يا فندم
بس اساسا ده العادى بتاعى
انا مع حضرتك انها حقيقيه
وبالنسبه للنهايه انا شفت انها ممكن تكون مش مناسبه و ممكن تعطى معنى تانى
اوك هيه فيها كبرياء حلو او للكاتب بس على الطرف التانى ممكن تتفهم
" يا تكونى زى ما بقولك يا تغوووووووورى "
هههههههههههه
مش ممكن برده
العصيده كلها ممكن تتدى معنى الكبرياء برده من خلال استخدام كلمة كونى
اخيرا
التمبليته الجديده تحفه بجد
تحياتى

3ashe2elro7 said...

ايمان الطاهر

هوه حلاوته انه مش شعر اساسا
ملوش تصنيف

بحاول لما اكتب حاجه تبقى بتعبر عنى
و تكون صادقه
و لما بكتب بتبقى فى ساعتها
الوحل جه كتبتها خلاص خلصت

اكيد معنديش مانع م الاضافه انا اللى كسبان

شكرا بجد لاطراءك على اللى كتبه

تحياتى

Menas said...

ايه ده يا..................
بشمهندس طبعا

يعني تسكت تسكت ويوم ماتنطق تنطق
تنطق بجد

ايه ده كله ايه ده كله
بجد تحفه من تحف الزمان
ده جد مش هزار
احساسها عالي اوى اوى

والكلام متشل عندي
بس فنااااااااااااااااااااااااااان

بجد
ه
ن
د
س
ه

Menas said...

ومبعرفش ومبعرفش
ودى حبة شخابيط
لما تكون دي شخابيط
يبقى اللى بيكتب غيره ايه؟

3ashe2elro7 said...

ميناس

ربنا يكرمك على الاطراء الجميل ده
يعنى انتى عارفه بقى لما ربنا بيفتح على الواحد
بتفلت منه الحاجات دى
ساعه التجلى متتعوضش
هههههههه
وسلامة كلامك م الشلل

تحياتى

•«ρяoιd»•™ said...

الله الله الله

بجد بجد روعه

ابداع فوق الخيال

تشبيهات مبتكره و حاله من الإحساس الصادق

روعه في اختيار الكلمات

و ابداع في الأسلوب

ربنا يوفقك يا رب

تحياتي

3ashe2elro7 said...

برويد

تحياتى يا باشا

ومنزرنى و مشرفنى

كلامك بجد جميل بس مش اوى كده احنا على قدنا يا هندسه

شرفتنى و مستنى زياراتك علطول

محض روح said...

أشعر ب حنين للماضى
يأسرنى بعيدا ف عالم حالم

اصعب حاجه في دنيا حنين لشئ صعب
يتوجد من تاني

جميل اوي التعويذه
استمر شكلنا هنشوف ابدعات

3ashe2elro7 said...

محض روح

فينك من زمان

هوه فعلا بيبقى من اصعب الأمنيات
نبقى عايز ترجع لوقت مكنش مطلوب منك حاجه لو بتفكر ف حاجه

من الآخر كده عايز ترجع عيل صغير من تانى

مبسوط انها عجبتكم
وهيه لحظه وحل اللى بيطلع فيها الحاجات

تحياتى

MestKA said...

احساسك عالي اوي ومدونتك جميله جدا

تحياتي

MaMaDo said...

الله الله الله
بقالك كام اسبوع انت و حلاوه قلبين على رومنسى و يا ام العيال و مش عارف ايه

بجد جمده و حاسس انى بسمع اغنيه لكاظم الساهر

بس ايه علاقه تعويذه بكاظم الساهر قصدى الكلام
مش التعويذه دى بتاعت
حابس لابس كابس شمشون مأمون خالدون عصماصون
وكده

ترجو الرد

3ashe2elro7 said...

مستكه

شكرا جدا على ذوقك و اطرائك الجميل ده
طالما عجبتك زورينا على طووول
زورونا تجدوا ما يسركم

تحياتى

3ashe2elro7 said...

مامادو

على ايه بس
انت عارف دى اقل حاجه عندى و العادى بتاعى
شخبوطه بقى انت عارف

هههههههههه
ولازم يبقى فى الكتابه حاجه تشد و تعلق فى ذهن الواحد اللى بيقرأ زى المانشت اللى تقرأه و تدخل تلاقى الخبر هشتكه واشتغاله بس طبعا هنا هتدخل تلاقى كل جامد و متين

تعويذه كنت اقصد بيها

وصفه سحريه للبنى ادم بمعنى تانى مفتاحه
اللى انت بتقول عليه ده الزار
ههههه

سلاموووز و مانجه