Saturday, May 5, 2007

Team

Togther
Every one
Achieve
More

لما اتعلمنا شغل تنمية بشرية ...... اتعلمنا معنى كلمة تيم
بس لما تتعلم حاجه ........ اهوه كله كلام نظرى
و لما تطبق و تلاقى ده ....... بتبقى حاجه تانيه
بتشوف و تكتسب مهارات و خبرات من الاحتكاك
بتتعلم من تجربتك و تجارب تانيه انت معشتهاش بس شوفتها
ان ربنا يرزقك بتيم زى اللى اعرفه ... يبقى الحمد لله

كل واحد فى التيم شايف نفسه حاجه بسيطه و صغيره
و بقيت التيم حاجه كبيره اوى

من باب التواضع شايف نفسه بسيط
ومن فرحته بالتيم شايف انهم حاجه جامده اوى و هم فعلا كده

شايف انه بيتعلم منهم وبيتأثر بيهم .. ومش ملاحظ انه كمان بيعلمهم و بياثر فيهم
لما كل واحد فيهم عايز يشوف بقيت التيم احسن و احسن و اعلى و اعلى
لما كل واحد منهم بيعمل احلى و اجمل نوع من المسانده لبقيت التيم
لما كل واحد فيهم بينسى مشكلته او اللى مزعله علشان يساعد حد تانى من التيم
لما البسمه بتترسم اول ما حد منهم يشوف التانى .... اه و الله ده اللى بيحصل

يبقى ده احلى تيم

THANKS OUR TEAM

25 comments:

Esmeralda said...

ربنا يرزقنا بتيم زى تيمك :)

MaMaDo said...

يلا ياسطى لاحسن حد يكمنت قبلى

حاسب ياسطى حاسب
عجبك كده اهو احنا اتاخرنا
طب عليا ال...ما انت واخد الفلوس يلا غور
.............
احم احم
هو انا جى هنا ليه اه

من زماااااااااااان
و انا بدور على تيم زى الى انت بتقوله
شله يعنى فى المدرسه او اى حته
و مفيش برده
لحد ما جيه الكمحه قولت خلاص هيبقى هنا
بس مفيش لحد ما روحت حفله ليلتى و شوفت انتو ازاى تيم جميل
و لما جيت معاكو كمان
عرفت اكتر و اكتر و كان نفسى اكون معاكو و اهو الحمد لله
................
انا قصدى ....مش عارف
مش عارف اكمل بس يعنى انا بيتهيالى ان الفكره وصلت

حبيبة الرحمن said...

انا اول مره ازور المدونه بس عجبتنى ان شاء الله مش اخر مره

فعلا والله احساس جميل جدا انك تشتغل فى جماعه وكلكم ايد واحده وروح واحده وافكار وهدف واحد

احلى احساس :) وبيبفى ليه ذكريات جميله ياريت تتصورا علشان تفضلوا فاكرين كل لحظه كنتوا فيها مع بعض

ربنا يوفقك انت والتيم ويرزقنا بتيم زيه :))

-_- said...

مش تيم ده اللى بالليمون ؟؟؟

šσяšαяαα said...

team work... these words i am ready to spent my whole life searching for people who know what they really mean.

i wish u all the best

šσяšαяαα said...

بالمناسبه ياجماعه انتو فين؟؟؟؟؟
المسابقة الأولى بدأت من اول الشهر والتصويت لمدة عشرة ايام
متتالية حتي مساء يوم العاشر من مايو

ياريت اللى مهتم بالموضوع ينشر عنه ولو بوست صغير
طالما كلنا متحمسين للفكرة يبقى لازم الكل يشارك..واللا ايييه

واااادى الرابط تانى
http://best-post.blogspot.com/

مستنيينكو

الخيط الرفيع said...

يا ناس انا حد من التيم دا
ايوة انا حد من التيم دا


وانا فرحانه بدا جدا
وعل فكرة المهندس ظلمنا جدا احنا نستحق جميعا يكتب عن تيمنا بمية الدهب وكلام أكتر من كدا بكتير بس
المشهور بإنه مش هيلخص ابدا لخصنا في كلمتين

شفتو لما مستكنيس كان رايح هناك الناس كانت حوليه ازاي ابيه وهو بيحكيلي حبيت تيمنا اكتر واحترمت ابيه وكل ناسي اكتر واكتر

اقول ايه ولا ايه

فاكر مجات الابوة

فاكرين حاجات كتير فاتت
مستنيين حاجات كتير جايه
متشوقين لفردوس اعلي كلنا مع بعض

كفايا لحسن لو فتحت في الكلام
انتو عرفين

شكرا علي البوست دا

وفعلا

لما تطبق و تلاقى ده . بتبقى حاجه تانيه

sakayar said...

آه صح

Halawa said...

حارسك وصاينك

dew_bright said...

ربنا يخليكوا لبعض ويرزقنا بتيم زى تيمك

3ashe2elro7 said...

Esmeralda
دور عليه تلاقاه دور عليه دور
اكيد لسه فيه ناس كويسين بس احنا نعرف نختارهم و ندور عليهم
نورتى المدونه
***************
KiTTy
شرفتى المدونه طبعن طبعن
كله بالصور و المستندات
بس اللى اهم من كده انك تبقى فاكر كل لحظه حلوه و كمان صعبه مرت عليكم
اهم من الصور كتير
وبرده دور عليه دور دور عليه تلقاه الناس الكويسين كتير
**************
شرم
لا ده بالمانجوووووو و المووووووز
**************
SoRsaRaa
لو عايزه توفرى بقيت عمرك اكيد لازم تلحقى وتيجى معانا
الباكدج على بعضها فظيع جدا جدا

3ashe2elro7 said...

حتى هنا لما تتكلموا و تردوا جيين ورا بعض
ده انتوا حاجه فظيعه

cRaZy b0y mAmAd000
مبروك علينا انت
وبعدين ابقى اركب تاكسى وبلاش شغل الشعبطه على الميكروباظات
**************
الخيط الرفيع
لو اتكلمت عنكم مش هاوفيكم حقكم
انتوا حاجه حلوه اوى فى حياتى و حاجه كبيره اوى عندى
يعنى مكنتش هلخص يا حسين
يارب تكونوا بخير و على احسن مايرام
بجره احلى كتير
*************
سكايار وروميو
وده من ايه ده اللى هان عليك
نسيت مسؤولياتك ف الشغل مش مخلياك لاقى وقت
بطلع لساااااانى
************
حلاوة
وضامنك لامك وجيران الجيران يا طعم يا نايتى يا جلاكسى يا سنيكرز
*************
ديو برايت
ويرزقك بتيم زيه عن قريب احنا و انتوا و المسلمين اجمعين
خلعت راسى و دعيت
على البلطجه والافترا

Menas said...

ربنا يخلينا لبعض
مش عارفه اقول الللى جوا اوى
انت عارف ان الكلام بيتشل عندي معظم الوقت

Menas said...

على فكره انا شفت الموضوع اول مانزل وكان لسه عليه كومنتين بس
بس كالعاده شلل الكلام حتى معرفتش اكتب اقول ايه
ربنا يخليكم ليا

Fahem_Kora said...

التيم ده المركز الكام فى الدورى؟؟؟؟

ايوة كدة يا ريس
ارجع لمودك
والله ما هى مستاهله

مجـلة جــوا نـا said...

انت نسيت الباونتي
ولا ايه؟

لما تيجي تذل ذل صح يا أستاذ
اتعلموها بقى
لحد امتى هنعلم ونكبر

admelmasry said...

طب احمد ربنا بقي ع النعمة اللي انت فيها

3ashe2elro7 said...

menas
لما الكلام يتشل ابقى شاورى وكل لبيب بالاشارة يفهم و التيم بقى عندنا كله لبيب بيب بيب زمالك بيب بيب زمالك
ههههههههههههههه
*****************
اينووو
اللى منورنى
بس انت شايف انها مش مستاهله
انا راضى بضميرك
*********
جوانا
عيب عليك يا ريس
لست انا هذا الشخص
كلا و اطلاقا و كلا البطه
بطلع لسانى
***********
ادم المصرى
الحمد لله طبعن طبعن
شكلك مقرتش البوست كويس
شرفتنى بالزياره و ميرسى
ابقى تعالى تانى

محض روح said...

انتم بجد جروب حلو جدا
وكلكم فيكم من بعض اوى
محترمين ومثقفين عندكم طموح
ربنا يخليكم لبعض
وتفضلو صحاب الي نهايه العمر

3ashe2elro7 said...

محض الروح
يا اهلا و سهلا بحظرتكم عندنا
ربنا يكرمك و يعزك
ده بلسان التيم كله مش بلسانى بس

كائن نورانى said...

لو قعدت اقول واقول

على تيمنا كلامى يطول

البوست جميل اوى يا بش مهندس

بس زى ما فوفو قالت يا صباح الاختصار؟

انا بردو كنت بقول ان حلاوة بيقول عليك اشاعات

يا ساتر طول عمره كدا!!!!!!

خلاص بلاش اكمل احسن تقعوا فى بعض

وبعدين تقوللى منورة

فاكرين

كنا لسا امبارح بنفتكر الخزنة والفلوس

ولما كنت بتقول لحلاوة انى بغلط فى الحساب

وبعدين تنكر
الانكار مش هينفعك

يلا كانت ايام

شد حيلك يا بش مهندس وربنا معاك

والله مش بنبطل دعاء

بفكر ندعى عليك يمكن ربنا يسهل


سلاموتو

3ashe2elro7 said...

منور يا كائن

عودن احمدن

بالنوسبه لحلاوه
طول عمره بتاع اوشاعات
ههههههه

على فكره
موضوع منوره معتش له وجود
الوقت اثبت خطأ تلك النظره

ياااااااااااه
ايام حلوه هترجع تانى

وعلى فكره مش مسمحولك تغيب تانى
ومش مسمحولك ترجع زى ما كنت
انا برده بسأل وبعرف

يارب دايمن دايمن على خير
والحمد لله عايزين نقولها بكل الرضا و القبول

و بعدين انا وراهم وراهم ييشغلونى ييشغلون
ده انا لزقه بالأوى

عبد الحميد محمود said...

والله التيم ده كان وش الخير علي في حاجات كتير
حاولت كده أتخيل لو كنت أكمل حياتي من غير ما أعرف الناس الجميلة دي لقتها مرة قوي
بجد أنا سعيد أن أنا أعرفكم
ويارب نفضل تيم علطووووووول أن شاء الله
تحياتي

أخف دم said...

عشان كده عمر الفردية ما عكلت نظام ناجح .. حتى المفكر اللى بيصنع فكرة بتغير العالم برضه تطبيق الفكرة لازم من خلال جماعة .. وعشان كده برضه كانت وصايا الإسلام بالتعاون ..
ربنا يجمعنا كلنا من تانى
وربنا يبارك فى التيم ورك بتاعك
وسلامى ليهم

smraa alnil said...

اللهم ارزقنا تيما يكون مثل تيمك
وارزق الجميع بتيم يكون زي تيمك
هه
ربنا يخليكوا لبعض يارب

فكتني بتيمي بس يارب ربنا ما يبعد بنكم زي ما بعد بين التيم بتاعي