Sunday, February 18, 2007

فى المترو



صرخة فزع

شدت عيون

شهقت نفوس

خلعت قلوب
صُنوف البشر
صرخة أم
على ايدها الضنا
على ايدها

و راس وليدها
كاد الباب يتقفل
و احترت أنا ....!!
العيب ف مين.. ؟
ف الحمل التقيل
و لا المترو السريع
هوه عمره استنى حد ... ؟
يا تكون اد الحُمول
يا تروح بعيد
عيش و احلم على ادك
اوع يكونلك يوم طموح
طول ما انت مش اد الحُمول
و اوع تكون اد الحُمول
عايش وسط البشر بقلب حجر
دنيتنا زهقت حجاره من صنف البشر

عاشق الروح

No comments: