Wednesday, June 27, 2007

فوكيره مج مج مجنونه

انااااااااااااااا جيت و رجعت تانى
فتحت الدكانه و رشيت ميه و مستنى الزباين
يا فتاح يا عليم يا رزاق يا كريم

اول واحد قال الجمله اللى فاتت عبقرى
تجميعه مذهلة لأربع أسماء من أسماء الله الحسنى

الكوووووووووووووره مج مج مجنونه
مجنونه مجنونه مجنونه

الفريق اللى عايز ياخد بطوله
يجرى يعمل فترة اعداد فى احسن مكان ف العالم
و كل واحد على حسب امكانياته و الفلوس الى معاه
و اللى مش معاه ميلزموش

الزمالك هيجرى على فرنسا و اللعيبة هتشوف الريفيرا
و الاهلى اكيد رايح البرتغال علشان جوزيه يشوف ولاده برده
و دواليك دواليك

طيب و انت هتروح فين ؟
طيب الموسم اللى فات روحت فين ؟
اكيد اكيد كلنا عارفين احنا كنا فين

طيب علشان تاخد بطوله و تبقى انسان انسان
اعتقد محتاجين فتره اعداد
للاسف مكنش فيه اعداد كويس يناسب اللى جاى
و لا يناسب الطموح
يبقى هتنزل الملعب و تأدى على قد ما تقدر
و تعمل وانت فى و
سط الموسم اعدادك
حبه حبه هتزيد
بس متستعجلش
هتلاعب فرقه و تأدى كويس هتتغر و تقول انا عديت
البطوله دى بتاعتى انا
و انت يا حسره لسه نفسك قصير بس دعاء الوالدين هوه اللى عامل شغل

بنحلم و من حقنا نحلم
و يبقى عندنا امل و طموح و من حقنا ده
بس محتاجين نحسبها صح نشوف امكانياتنا و نطورها
واللى اهم من ده الصبر

عايزين نحلم النهارده و نشوف النتيجه بكره
طب ازاى ............؟!!!!
خليك عاقل يا عم الحاج

الكوتش اللى قاعد على الدكه بره لازم يبقى عنده صبر
النهارده طلعنا نلعب فى الممتاز و مهبطناش تانى ده مكسب
الموسم اللى بعده حققنا مركز افضل
و دواليك دواليك
ممكن ينزل ال
مستوى و نمر بكبوه
امر طبيعى و عادى

بس ساعتها مش اقدم استقالتى
وحتى لو مفيش نتايج امااااااااال انت لزمتك ايه
افتكر كلمه زدنى لو الفريق كله وحش يبقى العيب من الكوتش


هاعترف انى انا مستحقش و انى زباله
ارتحتوا كده
طيب و بعدين
هنزوى فى جنب و اقعد اعيط و ابكى على حالى
محدش هيعبر اهلى
هشوف الدنيا سوده و مفيش امل
اول واحد هياخد على دماغه هوه انا
ومحدش حاسس بيا و محدش عارف حالى
و اجرى اعمل زى الأفلام العربى البايخه
و البطل يقع فى براثن الادمان و الانحراف
وهنا قد جنت على نفسها سعاد

طيب لو كان عندى امل و تفاؤل
بس المهم برده يكون معقول
مابقاش صعلوك و اقول انا بكره بكره هابقى ملك
هاساعد نفسى ساعتها قبل ما حد يساعدنى
هاجبر غيرى انه يساعدنى لو احتجت المساعده منه


و دلوقتى اقدر اشيل النضاره
واقوووووووووووول
فيروووووووز بالتوت ع الحزن هندوس


18 comments:

الخيط الرفيع said...

احجزلي واحدة فيروووووووز بالتوت ع الحزن هندوس

معاك
من البوست اللي الفات والبوست دا عملت حدوته كدا وتكهنات
ما علينا هبقي أسأل
بس بجد كدا تمام تمام
ربنا يقر عينك بتحقيق أحلامك
ويرزقك التخطيط الفظيع
ويفرحنا بنجاحك ونجاح كل التيم

Fahem_Kora said...

كل ده من دميا ط

طب طمنا يا عمونا

sakayar said...

من خالتك ماري
يا رب تجيلنا بالسلامة يا شيبوب
با ترى هنسميك إيه
23/11/2004

دكتور مستكنيص said...

والله فكرة يابني وكمان نساير الموضة ونجيب مدرب أحمال ضروري طبعا |هو يزود لياقتنا النفسية وقدرتنا علي تحمل الضغوط والمجهود حوالينا بس يارب بعد فترة الاعداد دي نلاقي جدول منتظم واللي ماسكين حياتنا ميبوظوهاش اتحاد الكورة يعني
انا شكلي بدات اهرتل وهبوظ الكومنت يالا خلاعون

Anonymous said...

أنا هارد أنا هارد
ايه الجمال ده ايوه كده ياكوتش
ارجع من تاني والله حضرتك بتقول كلام زي الفل
بس للاسف الكلام سهل لكن ع الواقع التنفيذ صعب بس ده والله مش محاوله لتسبيط عزيمتكم ده راي انا عارف اني لو قولت انا اقدر هاقوم وصممت هاقوم بس المشكله هاقوم اعمل ايه وكل حاجه غلط وكل شي مستباح في بلادنا
ماعلينا بلاش كائبتي ده المهم اني حضرتك رجعت من تاني وده المهم عندنا وجميل اوي طاقه الامل اللي انت راجع بيها
حاجه بقه بعيد عن البوست اول ماسمعتها حاست انها لسيادتكم
شعر للامام الشافعي
سافر سافر تجد عوضا عما تفارقه
وانصب فان (حاجه معنها ان السعاده في الصبر ع التعب مالحقتش اكتبها)
اني رأيت وقوف الماء يفسده
إن سال طاب وإن لم يسل لم يطب
الاسدو(هي جمع اسد ايوه بتكتب كده)لو فارق الغابة ماافترس
والقوس لو ما فارق القوس لم يصب
يمكن الابيات دي تفيد في اي حاجه مش عارفه بس هي عجبتني

Anonymous said...

تصدق مش عارفة اقول ايه كل اللي اقدر اقولة البوست حلو اوووي وواضح ان انت متفاؤل صح ولا.... وربتا يكرمك وتحقق اللي تتمناه

sakayar said...

براثن الادمان و الانحراف

أنا شربت عشيييييش يا سعااااد
مين العيال اللي في الصورة دي ؟؟؟ انت ضحكت علينا وبدل ما تروح دمياط رحت بلجيكا؟؟؟
تفاءل تفاءل يا عم إياكش تعمر

3ashe2elro7 said...

الخيد الرفيع
هههههههههههه
ولا حدوته و لا حاجه
انت عارف لما تطلب نعمل عاقلين و بنفكر
انما الحمد لله كله تمام
يارب يارب و تكمل فرحتنا بفرح الناس كلها

3ashe2elro7 said...

اينوووووو
انت لسه شفت حاجه
وابسط يا عم ادينا هنتقابل و نقضى يومين زى الفل ان شاء الله و الله وحتنى اللمه يا ولاد و هتفكرونى بايام الكليه

3ashe2elro7 said...

سكايار
ايه يا منيل اللى انت كاتبه
ده هيه الترجمه هتنزل امتى

3ashe2elro7 said...

دكتور مستكنيص
و ايه فايده المدرب و اللعيبه مش ناويه على بطوله
و حياتنا احنا اللى بنتحكم فيها و محدش يفتكر غير كده
شد حيلك فى الامتحانات

3ashe2elro7 said...

ون ترو ثينج

ولا كوتش ولا حاجه

وربنا انا اقل من كده بكتير

يمكن اللى متعود يتكلم بيبقى الكلام بالنسبه له سهل بس بيبقى صعب و سيف لو هوه مركز انه مش يقول غير اللى عايز يعمله و بيحاول يعمله

التنفيذ صعب و هتقابلنا صعوبات فيه بس مش مستحيل
ربنا لو شاف مننا العزيمه و الاصرار اننا عايزين بجد نعمل الحاجه دى هيساعدنا و يسهلنا امورنا خصوصا لو احنا متوكلين عليه مش متواكلين و الفرق بين الاتنين هوه العمل

الشعر جميل اوى و معبر جدا بس اعتقد انه ينفع كل الناس و ينفع حضرتك كمان

بس سؤال
احنا شايفين نفسنا فين كمان اسبوع و كمان شهر و كمان سنه و شايفين اخر الطريق ايه

3ashe2elro7 said...

shisho
بتشرفينى للمره التانيه منورانى حضرتك
من غير حبه تفاؤل معقولين و محسوبين هنتعب
و لو شايفها سوده هتعب و اموت
رغم ان ممكن تكون معايا ليه ضلمه شويه بس اكيد النور هييجى يوما ما ان شاء الله

3ashe2elro7 said...

سكايار
انت تانى
و الله كنت ف دمياط يا عمنا
ايه اياكش تولع دى دى كده جلاكسى على الآخر

Anonymous said...

اكيد ان شاء الله النور هييجي بس اعتقد النور موجود بس مش شايفينه وعايز بس تولع كوبس النور..... وبجد واحد بالدماغ دي النور هييجي بسرعة اوووي وقريب ان شاء الله

3ashe2elro7 said...

كده الكهربا علت اوى فى البلوج كومنتين على بوست واحد
ان شاء الله
و منك ليهم علطول بالطياره و التذكره عليا
هههههههههههههههه

هوندا said...

هو يااما البوست مبيتفهمش من اول مرة ياما انا الى مبقتش افهم مممممممم

3ashe2elro7 said...

هههههههههههههههه
ليه بس ده حتى واضح جدا
بس انا عايز اعرف انت بتدور على ايه بهدلت الكمبيوتر معاك
انا مش هاجاوب عالتاج غير لما تحضر شهادة دكتوراه فى البوست ده
بتلكك ايون بتلكك