Saturday, June 16, 2007

علمتنى الحياة

علمتنى الحياة
أن اختيار الأحسن لم يكن دوما هو سبيل النجاح لاحتمال كونه ليس الأنسب
علمتنى الحياة
أن اصرارى على اختيار الأحسن دائما دون أن يكون الأنسب وادراكى لهذا نوع من أنانية و طمع البشر
علمتنى الحياة
أن اعترافى بكونى لا استحق الأحسن يجعل من هذا دافع لتحسين امكانياتى و تحسين نفسى لاستحق الأحسن و الأفضل
علمتنى الحياة
أن اعترافى بكونى لا استحق الأحسن حاليا لا يتعارض مع طموحى مستقبلا
علمتنى الحياة
أن السخرية من تصرفات الناس وارائهم لم تكن يوما طريقة لتصحيحها ان كنت أراها خطأ لكنها دليلا على قوة الشخصية الزائقة
علمتنى الحياة
أن احترامى للآخر هو احترام لنفسى أولا

علمتنى الحياة
أن أفعل ما أقتنع و أؤمن به لأننى من سيُحاسب عليه
علمتنى الحياة
أن ما أرغب القيام به من قول و عمل مرتبط بزمن لا يجوز ان أفعله قبل هذا الزمن ( قبل أوانه يعنى ) كما لا يجوز أن أفعله بعد هذا الزمن ( بعد العيد ميتفتش كحك ) مالوش لازمة يعنى
علمتنى الحياة
أن احب ما أفعل حتى أفعل ما أحب
علمتنى الحياة
أن أرضى بما يحدث لأنه قدر الله

13 comments:

sakayar said...

تعليقا على الأحسن والأنسب .... مفاضلة لا يعيها إلا فقيه ... والفقه ليس فقه الشريعة فقط ولكن فقه الحياة
تحياتي

الخيط الرفيع said...

لاء لاء لاء ما تهزرش وما تقلدش
الكلام دا ما ينفعش ولولا الاخوة والعيش والسلطات
لكنت قاضيتك و اخذت حقي في المحاكم
امال اية دي حقوق طبع يا مهندس
انا أصلا بسجل كل الافكار في الشهر العقاري وحتمية ضياع مستقبلك في الكتابة كان علي ايدي محقق بس اعمل اية في طيبة قلبي مع اخواتي
سلام وابقي طمنا علي مستقبلك الهندسي

الخيط الرفيع said...

بجد الموضوع شديد والاسلوب سلس وجامد
اية الحكمة دي كلها والله العظيم الكلام دا خلاصة تجارب تنكتب علي الاهرامات علشان شباب مصر يغيروا الاحوال شوية

BoTaNesToKeeSoo said...

تعيش وتتعلم

واحنا كمان

BoTaNesToKeeSoo said...

بجد كل واحده احلى من الى قبلها

ربنا يكرمك

دعواتك

sakayar said...

علمتنى الحياة
أن اعترافى بكونى لا استحق الأحسن يجعل من هذا دافع لتحسين امكانياتى و تحسين نفسى لاستحق الأحسن و الأفضل
علمتنى الحياة
أن اعترافى بكونى لا استحق الأحسن حاليا لا يتعارض مع طموحى مستقبلا
عجباني أوي
لا بجد عجباني اوي اوي
ايه القرف ده؟؟؟؟

3ashe2elro7 said...

اولا كده هيه ايه الحكاية اللى معلق بيعلق بالجوز كده ليه
ااااه عجبكم البوست اوى بس على فكره ده العادى بتاعى
و نبتدى الردود على الكومنتات

3ashe2elro7 said...

سكايار
هوه انا مش عارف ده كويس و لا لأ بس اعتقد الجمع بين الفقهين احلى
احرجتنى بذوقك









بطلع لسانى

3ashe2elro7 said...

عمنا الخيط الرفيع
و الله ما اخدتى بالى من الاقتباس غير لما انت قلت بس ده نقدر نقول التأثر وبلاش موضوع القضايا ده انا ورايا عيال عايز اربيهم
هههههههه
كانت مجرد وجهات نظر حبيت اعرضها و اشوف رأى الناس فيها

دير بالك على حالك و حال الرعية

3ashe2elro7 said...

دكتورة بوتانست
شرفتنى يادى اللايت يادى اللايت
بس يارب نتعلم صح علشان نعرف نكمل صح

خليها فى سرك من اسباب قبول الدعاء الدعاء بظهر الغيب

هووووووووس اوع تقول لحد

BoTaNesToKeeSoo said...

لعل المانع خير يا بشمهندس

Eman Eltaher said...

بتعلمنا الحياة و هتفضل تعلمنا لاننا مخلوقين عشان نتعلم و الحياة هى معلمنا اللى ماسك العصاية ف ايديه هتتعلموا يعنى هتتعلموا !!! هههههههههههههه

لأ بجد البوست جميل و فكرته حلوة و الى الأمام دايما

تحياتى ليك

Unknown said...

متتأخرش
ارجع بسرعه(: